
Mbresa nga vizita në Hora të Arbëreshëve
8. Shkurt 2024
Intervistë e sekretarit të Horës së Skënderbeut Adnan Asllani dhënë RTK-së
12. Shkurt 2024Shoqata “Hora e Skënderbeut” nga Zvicra, që ka marrë përsipër mobilizimin e mërgimtarëve tanë për vendosjen e shtatores së Gjergj Kastriotit Skënderbeut në bashkinë Hora e Arbëreshëvet në Sicili të Italisë, tashmë ka vendosur kontaktet me shoqatat kulturore, ansamblet, klubet e bizneset shqiptare, ku po has në përkrahje gjithnjë e më të gjerë. Anëtarët e kryesisë, tashmë në selitë e tyre kanë vizituar Shoqatën Kulturore “Bashkimi” në Uster, Klubin e Motoristëve “Plisat” në Arbon, kryetarin e Ansamblit “Arbëresha” në Sirnach, ndërkohë kanë kontaktuar edhe me përfaqësuesit e ansambleve e shoqërive tjera kulturore , siç janë “Vatra” në Bülach, “Dardania” e “Trojet” në Winterthur, “Drita” në Kreuzlingen, “Sharri” në Bernhardzell etj. Meqë aktualisht të gjitha shoqatat e ansamblet janë në vlugun e përgatitjes së koncerteve për Ditën e Pavarësisë së Kosovës, kontaktet me përfaqësuesit e shoqatave tjera do të bëhen më vonë.
Në kuadër të shoqatës “Hora e Skënderbeut” po planifikohet edhe një gala-koncert i përbashkët në kuadër të aktivitetit për grumbullimin e mjeteve për projektin në fjalë.