Shoqata “Hora e Skënderbeut” ka postuar fletëdëshmitë për donatorët e shtatores së Gjergj Kastriotit Skënderbeut e cila do të vendoset në bashkinë Hora e Arbëreshëvet në Sicili.

Fletëshmitë janë postuar për donacionet që kanë ardhur deri më datën 30 prill 2024. Ato janë dërguar përmes postës dhe pjesërisht edhe përmes postës elektronike.

Kjo po bëhet për të rritur transparencën dhe për të treguar mirënjohjen tonë për të gjithë ata mërgimtarë vullnetmirë që po kontribuojnë që shtatorja e Skënderbeut, vepër e skulptorit Gëzim Muriqi, të vendoset më 30 gusht në Horën e Arbëreshëvet.

Ftojmë të gjithë ata që ende nuk iu kanë bashkuar misionit tonë, që këtë ta bëjnë duke dhuruar në xhirollogarinë tonë ose edhe përmes formave që tashmë i kemi publikuar në faqen tonë: https://horaeskenderbeut.ch/behu-donator/

Të gjithë donatorët që do të japin kontributet e tyre edhe pas ditës së sotme do të pajisen gjithashtu me fletëdëshmitë në javët që vijnë.